Charter Document - 00370072
| Charter Number: | 00370072 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulfus de Saldeston filius Willelmi Francisci rector ecclesie de Chetwode dedi concessi et hac mea carta presenti confirmaui deo et beate Marie de Luffeld et monachis ibidem deo seruientibus pro salute anime mee et patris et matris mee et omnium antecessorum et successorum meorum et omnium benefactorum meorum cunctorumque fidelium vnam virgatam terre cum pertinencijs in villa de Thorneberg et extra Illam scilicet quam emi de Bernero de Horewode Tenendam et habendam dictam virgatam terre de me et heredibus meis uel meis assignatis dictis monachis et eorum successoribus in liberam puram et perpetuam elemosinam adeo libere et pure et quiete sicut aliqua elemosina melius uel liberius aut purius poterit dari uel teneri saluo regali seruicio Et ego uero dictus Radulfus et heredes mei uel mei assignati dictam virgatam terre cum omnibus pertinenciis suis et libertatibus dictis monachis et eorum successoribus prout ante dictum est f contra omnes gentes warantizabimus acquietabimus et inperpetuum defendemus Vt autem hec mea donacio concessio et carte mee confirmacio inperpetuum perseuerent et presens scriptum sigilli mei inpressione roboraui Hiis testibus domino Hugone de Chastilon domino Willelmo de Bechhampton domino Radulfo Dayrel militibus Ricardo Gruscet magistro Iohanne Tripacy Willelmo de Fraxino Hugone de Heliden et aliis multis
Source (click image below to view full size)
