Charter Document - 00370071
| Charter Number: | 00370071 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1344 |
| Date type: | Internal, A.D., Calendar, Feast |
| Resource Link(s): |
|
Charter:
Uniuersis ad quos presentes littere peruenerint Walterus de Hoghton rector ecclesie de Towcestre Lincolniensis diocesis salutem in domino Licet impetrator in causa decimarum inter me dictum Walterum actorem ex parte una et religiosos uiros priorem et conuentum de Luffelde dicte diocese reos ex altera in curia Cantuariensi iudicaliter mota contra eosdem religiosos et pro parte mea quantum ad ius percipiendi predictis decimas de certis locis Hydlond Coclilond et Heggemulne vulgariter nuncupatis prouenientes diffinitiua sentencia lata fuisset fuissentque dicti religiosi in centum quadragintis libris nomine expensarum in hac predicta causa per me factarum ac decimis de dictis terris locis et molendino prouenientibus a tempore litis in hac parte inchoate per eosdem religiosos perceptis per dominum officialem curie predicte legitime condempnari Nouerit vniuersitas uestra predicta me dictum Walterum rectorem ecclesie predicte quecumque accionem querelam seu demandam ex predicta sentencia michi contra dictos religiosos occasione predictarum expensarum vel decimarum a tempore litis predicte in hac parte inchoate que dictos religiosos preceptarum qualitercumque competentes omnino remisisse per presentes ita quod ex nunc michi vel successoribus meis aut executoribus vel assignatis meis quibuscumque occasione predictarum expensarum vel decimarum a tempore litis in hac parte inchoate per eosdem religiosos preceptarum in predicta causa latarum nulla remaneat accio set per dictam remissionem meam totaliter sit sublata Saluo tamen michi et successoribus meis in dicta ecclesia nostre ex nunc decimas in dictis locis peruenientes percipiendas iuxta formam condempnacionis memorate Pro hac autem remissione predicte condempnacionis per dominum officialem curie Cantuariensis late predicti religiosi michi tenebantur per quoddam scriptum obligacionis in quateruiginti marcis de quibus quidem quateruiginti marcis fateor me ad terminos et locum in dicto scripto contentis plenarie esse pacatum et dictos religiosos de dictis quateruiginti marcis omnino acquieto per presentes In cuius rei testimonium sigillum meum presentibus est appensum Et quia sigillum meum pluribus est incognitum sigillum decanatus de Brackelay presentibus apponi procuraui Datum in domo mea apud Towcestre die Sabbati in festo apostolorum Philippi et Iacobi anno domini millesimo CCC quadragesimo quarto
Source (click image below to view full size)
