Charter Document - 00370070
| Charter Number: | 00370070 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1329 |
| Date type: | Internal, A.D., Feast, Regnal |
| Resource Link(s): |
|
Charter:
Vniuersis Christi fidelibus ad quos presentes littere peruenerint Robertus le fitz Neel miles dominus de Salden salutem in domino sempiternam Cum religiosi viri [] prior et conuentus sancte Marie de Luffeld ordinis sancti Benedicti Lincolnie diocesis dederint et concesserint vnanimi eorum consensu per quandam cartam sigillo eorum communi consingnatam perpetue capelle mee in manerio meo de Saldene situate predicte diocesie duas partes decimarum maiorum et minorum de predicto manerio meo et terris decimatis eiusdem proueniencium quas ex donacione predecessorum meorum olim dictas decimas in feudum possidencium canonice fuerunt assecuti Nouerit vniuersitas vestra predicta me dictum Robertum pro me heredibus et assignatis meis dictis religiosis per presentes concessisse quod si eisdem religiosis et monasterio suo predicto medietatem ecclesie de Bechamptone predicte diocesis in qua medietate ius habent patronatus ex donacione predecessorum meorum minime fecerim appropriari cum institucione et corporali induccione subsecuta [] tunc predicta carta donacionis decimarum predictarum supradicte capelle facta vacua sit et inanis nullum iuris effectum inducens sed penitus nullius momenti ac predictis religiosis retractatur In cuius rei testimonium sigillum meum hiis litteris presentibus apposui Hiis testibus domino Iohanne de Woluertone domino Andrea de Sancto Lucio domino Malculmo de Chastiloun militibus Philippo de Hardeshulle et Willelmo de Kynebelle et aliis Datum apud Salden predictam die dominica proxima post festum annunciacionis Beate Marie virginis anno domini millesimo trescentesimo vicesimo nono et anno regni regis Edwardi tercii post conquestum tercio
Source (click image below to view full size)
