Charter Document - 00370065
| Charter Number: | 00370065 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1320 |
| Date type: | Internal, Calendar, Feast, Regnal |
| Resource Link(s): |
|
Charter:
Omnibus Christi fidelibus ad quorum noticiam hoc scriptum peruenerit Iohannes filius Willelmi de Weststratford dominus de Weststratford eternam in domino salutem Noueritis me remisisse relaxasse et omnino pro me heredibus et assignatis meis quibuscunque inperpetuum confirmasse et quietum clamasse religiosis viris priori et conuentui de Luffeld et eorum successoribus totum ius et clameum quod habeo habui uel aliquo modo habere potui in aduocatione et iure patronatus ecclesie de Weststratford cum omnibus pertinenciis suis quam quidem ecclesiam dicti religiosi habuerunt ex concessione donacione et carte confirmacione Willelmi filii Willelmi quondam domini de Weststratford antecessoris meum liberam puram et perpetuam elemosinam et per dictam concessionem donacionem et carte confirmacionem dicti religiosi fuerunt in plena et pacifica possessione presentandi ad eandem ecclesiam de Weststratford diuersas personas a tempore a quo non exstat memoria ne eorum possessioni predicte per me heredes seu assignatos meos qualescunque in preiudicium iuris eorum in hac parte contra salutem anime mee qualecunque prestetur vero impedimentum Ego dictus Iohannes pro me heredibus et assignatis meis ius eorum recognoui et per presentes confirmaui ita quod nec ego dictus Iohannes nec heredes neque assignati mel nec aliquis alius nomine nec iure nostro in predictis advocacione et iure patronatus ecclesie predicte de Weststratford cum pertinenciis suis aliquod ius uel clameum decetero exigere seu vendicare poterimus in futurum set ab omni accione et demanda inperpetuum simus exclusi per presentes Et ego uero predictus Iohannes heredes et assignati mei predictam advocacionem et predictum ius patronatus ecclesie predicte de Weststratford cum omnibus pertinenciis suis prefatis religiosis et eorum successoribus contra omnes gentes inperpetuum warantizabimus et ubique in omnibus defendemus In cuius rei testimonium sigillum meum presentibus apposui Hiis testibus dominis Iohanne de Hausted Iohanne de Woluerton Iohanne Giffard le Boef militibus Andrea de Sancto Lieio Philippo de Hardeshull Ricardo de Kynebell Rogero de Sancto Licio et aliis Datum in pleno comitatu apud Bucki[n]gham die mercurii proxima ante festum Sancti Clementis pape anno regni regis Edwardi filii regis Edwardi quartodecimo
Source (click image below to view full size)
