Charter Document - 00370064

Cum lites et discordia mote essent inter dominum Willelmum dictum ad crucem de Stratton capellanum Lincolnie dyocesis actorem ex parte vna et religiosos viros priorem et conuentum de Luffeld dicte dyocesis reos ex parte altera supra quadam prouisione impetrata per dictum Willelmum contra religiosos viros predictos secundum formare illius decretalis cum secundum appellum tandem predicte lites et discordia ex amicabili compositione vtriusque partis sopite fuerunt in hunt modum videlicet quod predictus Willelmus prouisionibus ac impetracionibus omnimodis per se factis seu impetratis contra religiosos viros priorem et conuentum de Luffeld antedictos ac a sede apostolica sibi concessis vt sibi ministrarent vite sue necessaria quousque ad ecclesiasticum beneficium per eosdem religiosos fuisset promotus secundum illius decretalis virtutem cum secundum appellum necnon iuri sibi competenti seu quoquo modo competituro per easdem impetraciones infuturum coram venerabili viro magistro Rogero Scuret de Bukyngham tunc venerabilis viri archdiaconi Buk officiali et in dicta prouisione venerabilis patris domini Iohannis dei gratia Lincolnie episcopi comissario et sacre sedis apostolice notario et coram discreto viro magistro Gilberto de eadem sacre sedis antedicte notario habita deliberatione pure sponte et absolute renunciavit per presentes promisit etiam bona fide ac etiam corporali prestito sacramento concessit coram eisdem magistris et notariis quod de cetero religiosos viros predictos non inquietabit vexabit vel aliquo modo grauabit occasione prouisionum seu impetracionum predictarum nec per alias impetraciones quascumque contra eosdem religiosos faciendas per se vel per allos nomine suo nec impetraciones nomine suo factas ratas habebit sed vanas et nullas et omnino defectiuas nec aliquos in verbo sacerdotum quoquo modo procurabit seu excitabit ad impetrandum aliqualiter contra eosdem religiosos Et si contingat se quod absit vel aliquem alium nomine suo de cetero contra premissa aliquo modo venire vel aliquod incomodum procurare vult et concedit quod predicti religiosi agant et procedant contra se tanquam contra periurum infamem ingratum et excommunicatum et quod pro tali pupplice sit habitus et convictus renunciauit in premissis omni iuris remedio impetrato seu impetrando Pro hac autem renunciacione predicti religiosi concesserunt predicto Willelmo ad terminum rite sue vel quousque per eosdem vel per alios ad ecclesiasticum beneficium fuerit promotus omnes decimas et oblationes pertinentes ad capellam beate Nicholai de Euerschawe quam predicti religiosi habent et tenent in proprios usus exceptis decimis garbarum et feni cum vino mortuario et omnimodis decimis prouenientibus de le Oldewyk manerio eorundem religiosorum tam de bonis alienis quam de bonis propriis que quidem decline que supra excipiuntur cum vino mortuario predictis religiosis remanebunt Pro hac autem concessione predictus Willelmus in predicta capella diuinum officium pro predictis religiosis quotiens opus fuerit in propria persona celebrabit atque omnia honoraria ordinaria et extraordinaria predictam capellam et officium suum tangentia sumptibus suis et labore sustinebit Predictas vero decimas tempore suo durante nemini tradet nec in predicta capella aliquem capellanum ad ministrandum in diuinis officiis sub amiscione omnium premissorum assignabit sine voluntate dictorum religiosorum gratum et fidelem predictis religiosis de cetero se habebit consilium dictorum religiosorum fideliter occultabit et honorem eorundem vbique conseruabit et de non veniendo in contrariam aliquorum premissorum sed ad omnia supradicta fideliter et integre tenenda et obseruanda tactis sacrosancti ewangeliis predictus Willelmus in capitulo apud Luffeld coram predictis religiosis iterum corporale prestitit sacramentum In cuius rei testimonium predicte partes huic indenture sigilla sua apposuerunt et sigillum officialitatis Bukyngham apponi procurauerunt Datum apud Luffeld die mercurii proxima post festum sancti Petri ad vincula anno domini MCCC septimodecimo