Charter Document - 00370062

Nouerint vniuersi Christi fideles quod cum quedam controuersia auctoritate Gregorij pape noni inter I personam et magistrum Thomam vicarium ecclesie de Brochol procuratorem eiusdem I persone tam ad componendum quam ad litigandum in omnibus causis legitime constitutum actores ex una parte et priorem et conuentum de Luffelde reos ex altera super decimis et rebus alijs subscriptis coram decano de Cantebrugg et coniudicibus suis uerteretur Item cum quedam controuersia auctoritate eiusdem pape inter priorem et conuentum de Luffelde actores ex una parte et I personam et Thomam vicarium ecclesie de Brochole reos ex altera parte super ecclesiam de Brochol qui ad ecclesiam de Dodeforde tanquam capellam spectare dicebant coram W Wigorniense episcopo et coniudicibus suis uerteretur Item cum quedam causa appellacionis auctoritate eiusdem pape inter easdem personas coram eodem episcopo Wigorniense et coniudicibus suis uerteretur Item cum quedam causa appellacionis auctoritate eiusdem pape inter easdem personas coram priore de Bernecestr et coniudicibus suis uerteretur Tandem omnes predicte lites mote inter partes ex consensu parcium in hunc modum amicabiliter conquieuerunt videlicet quod omnes decime site infra Suttissebro sub Watlingstret et Brochol remanebunt solute et quiete ecclesie de Brochol imperpetuum salua decima feni prouenientis de Sustermede ecclesie de Dodeforde imperpetuum Et sciendum quod predictus Thomas vicarius soluet priori et conuentui de Luffelde annuatim ad festum sancti Michaelis sex denarios nomine fine pro decimis prouenientibus de duabus acris que uocantur Akermannelonde Que uero decime site infra predictum Suttissebroc usque ad terram Galfridi de Armenters remanebunt solute et quiete ecclesie de Dodeforde imperpetuum Predicti eciam prior et conuentus de Luffelde omnem accionem quam habuerunt super ecclesiam de Brochol suspenderunt totum tempore predictorum I persone et Thome vicarij et utraque pars omnibus causis et controuersijs quibuscunque super predictis motis et mouendis quamdiu predicti I persona et Thomas vicarius uixerunt renunciauit sub pena viginti marcarum a parte ab ista composicione recedente parti composicionem parenti soluendarum subiciens se iuridiccioni archidiaconi Norhampton ad penam predictam soluendam cum fuit commissa Et ad maiorem huius rei securitatem partes presenti composicionem signa sua una cum signis iudicum apposuerunt Hijs testibus R suppriore sancti Andree North magistro R Baton magistro W de Gogenho magistro W de Lindesey domino Iohanne capellano de Brochol Iohanne clerico de Brochol Nicholao diacono de Luffelde et alijs