Charter Document - 00370053
| Charter Number: | 00370053 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Certification |
| Date: | 1417 |
| Date type: | Internal, A.D., Calendar, Episcopal |
| Resource Link(s): |
|
Charter:
Vniuersis sancte matris ecclesie filijs presentes litteras inspecturis Philippus permissione diuina Lincolniensis episcopus salutem in domino sempiternam Vniuersitati vestre notum facimus per presentes quod scrutatis diligenter per nos registris nostris de ordinacionibus et dotacionibus vicariarum in ecclesijs parochialibus nostre diocesis temporibus predecessorum nostrorum dudum Lincoln episcoporum factis et ordinatis in eisdem inter cetera in ipsis contenta vicariam in ecclesia parochiali de Thornebury dicte nostre diocesis compertimus in hunc modum ordinatam fore et dotata Vicaria in ecclesia de Thornebury que est prioris et monachorum de Luffeld ex dudum ordinata consistit in omnibus obuentionibus altaris et minutis decimis cum mesuagio et crofto eidem assignatis In quorum quidem scrutinii et compercionis testimonium sigillum nostrum presentibus est appensum Datum in castro nostro de Sleford xxii die mensis Decembris anno domini millesimo quadringentesimo xvii et nostre consecrationis anno xiii
Source (click image below to view full size)
