Charter Document - 00370050
| Charter Number: | 00370050 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1319 |
| Date type: | Internal, Calendar, Feast, Regnal |
| Resource Link(s): |
|
Charter:
Omnibus Christi fidelibus ad quos presentes littere peruenerint Thomas de Eston attornatus magistri Thome de Blacoluesle rectoris ecclesie de Culworth eternam in domino salutem Noueritis me recepisse apud Luffeld die dominica proxima post festum natiuitatis sancti Iohannis Baptiste anno regni regis Edwardi filii regis Edwardi duodecimo ad vsum dicti magistri Thome domini mei a religiosis virus [] priore et conuentu de Luffeld decem libras argenti pro arriragijs cuiusdam annue pencionis dimidie marce continentis de toto tempore predicto et pro totali solucione de toto tempore futuro in qua dimidia marca dicti religiosi dicto magistro Thome domino meo annuatim tenebantur per quoddam scriptum obligatorium quosque per eosdem ad aliquod beneficium ecclesiasticum fuisset promotus De quibus decem libris ac eciam de omnibus alijs arriragijs litibus querelis contractibus debitis exaccionibus et demandis quibuscumque dictam dimidiam marcam annualem et dictum magistrum Thomam dominum meum tangentibus de toto tempore predicto et pro plenaria solucione infuturum fateor me et dictum magistrum Thomam dominum meum plenarie esse perpacatos et pascificatos et dictos religiosos omnino ut permittitur per presentes inperpetuum fore quietos et absolutos obligans insuper me heredes et executores meos et omnia bona mea mobilia et immobilia ad quorumcumque manus deuenerint ad acquietandum et indempnos conseruandum prefatos viros religiosos et omnes eorum successores erga prefatum magistrum Thomam dominum meum de omnibus arriragijs predictis et de solucione dicte annue pencionis infuturum Et ad maiorem huius rei euidenciam dictum scriptum obligatorium dicte annue pencionis per preceptum dicti domini mei eisdem religiosis reddidi et liberaui tanquam vacuum adnullatum In quorum omnium premissorum testimonium presentibus sigillum meum apposui Et quia sigillum meum pluribus est incognitum sigillum magistri domus sancti Iohannis Norhant presentibus apponi procuraui Hijs testibus domino Radulpho de Plumpton rectore ecclesie de Norton Galfrido de Braundeston Thoma de Maydeford de Selueston Willelmo de Chiriton Willelmo de Shemersby clerico de Norhant et alijs Datum apud Luffeld die et anno supradictis
Source (click image below to view full size)
