Charter Document - 00370047
| Charter Number: | 00370047 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1342 |
| Date type: | Internal, A.D., Calendar |
| Resource Link(s): |
|
Charter:
Nouerint vniuersi quod religiosi viri prior et conuentus de Luffeld ecclesias parochiales de Northdodeford Thornebergh et capellam de Euerschawe in proprios vsus optinentes vna cum quadam porcione decimarum garbarum in Salden et aliarum rerum decimabilium infra fines et limites parochie de Mursle ac cum pensione decem solidorum in ecclesia de Bechampton supra appropriacione et assecucione dictarum ecclesiarum capelle attachiate porcionis et pensionis predictarum coram nobis Thoma de Aschel rectore ecclesie de Eston venerabilis patris domini Thome dei gratia Lincoln episcopi sequestratore ac eiusdem in hac parte commissario et ad ostendendum et detegendum canonicam assecutionem eorundem fuissent legitime ad iudicium euocati iidem prior et conuentus coram nobis ad certos diem et locum eisdem assignatos per procuratorem suum sufficienter legitime comparentes instrumenta placitos et alia documenta legitima supra impropriacione et assecutione premissis necessaria exhibuerunt vnde visis et inspectis et examinatis hiis instrumentis supra impropriacione et assecutione memoratis ipsos religiosos in hac parte sufficienter munitos ab examinatione nostre dimisimus per decretum In cuius rei testimonium sigillum nostrum quod vtuntur in hoc officio presentibus est appensum Datum apud Leghamsted ix Kalendas Decembris anno domini millesimo CCC quadragesimo secundo
Source (click image below to view full size)
