Charter Document - 00370046
| Charter Number: | 00370046 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1366 |
| Date type: | Internal, A.D., Calendar, Episcopal |
| Resource Link(s): |
|
Charter:
Uniuersis sancte matris ecclesie filijs presentes litteras inspecturis Iohannes permissione diuina Lincoln episcopus salutem in omnium saluatore Nouerit vniuersitas uestra quod cum religiosi uiri prior et conuentus de Luffelde nostre diocese certis die et loco coram certis commissarijs nostris archidiaconatum Bukinghamie auctoritate nostra ordinaria visitantibus per ipsos eisdem religiosis assignata sua priuilegia et instrumenta quorum iure ut dicebant fulciti ecclesiam parochialem de Thorneburgh cum capella de Euerschawe dicte nostre diocese in proprios usus tenent ac pensionem annuam decem solidorum de ecclesia de Bechampton et porcionem garbarum et aliarum rerum decimabilium in Salden infra fines et limites ecclesie parochialis de Muresle percipiunt et percipere se debere pretendunt exhibuissent ac eciam ostendissent Nos visis examinatis et diligencius ponderatis hijs exhibitis et ostensis coram dictis commissariis nostris habitis quia inuenimus dictos priorem et conuentum prefatam ecclesiam cum capella predicta canonice possedisse et pencionem ac porcionem percepisse prelibatas ipsamque ecclesiam cum capella predicta in proprios usus canonice optinuisse et obtinere possedisse et possidere ac dictas pencionem et porcionem percepisse et debere percipere necnon sufficientibus titulis eosdem religiosos super appropriacione et percepcione his munitos fuisse et esse eosdem religiosos ab officio nostro contra eos in hac parte instituto absolumus per decretum et dimittimus absolutos In cuius rei testimonium sigillum nostrum presentibus est appensum Datum apud Lidington vj nonas Ianuarij anno domini MCCC sexagesimo quinto et consecracionis nostre sexto
Source (click image below to view full size)
