Charter Document - 00370045
| Charter Number: | 00370045 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1356 |
| Date type: | Internal, A.D., Calendar, Episcopal |
| Resource Link(s): |
|
Charter:
Vniuersis sancte matris ecclesie filiis presentes litteras inspecturis Iohannes permissione diuina Lincoln episcopus salutem in omnium saluatore Nouerit vniuersitas vestra quod cum religiosi viri prior et conuentus de Luffeld nostre diocesis certis die et loco per nos assignatis eisdem coram nobis diocesem nostram auctoritate nostra ordinaria visitantibus sua priuilegia et instrumenta quorum iure ut dicebant fulciti ecclesias parochiales de Thornebergh et Northdodeford cum capella de Everschawe dicte nostre diocesis in proprios vsus tenent ac pensionem annuam decem solidorum de ecclesia de Bechampton et porcionem garbarum et aliarum rerum decimabilium in Salden infra fines et limites ecclesie parochialis de Murslee percipiunt et percipere se debere pretendunt exhibuissent ac eciam ostendissent Nos visis examinatis et diligencius ponderatis huiusmodi exhibitis et ostensis quia inuenimus dictos [] priorem et conuentum memoratas ecclesias cum capella predicta canonice possedisse et pensionem ac porcionem percepisse prelibatas ipsasque ecclesias cum capella predicta in proprios vsus canonice optinuisse et optinere possedisse et possidere ac dictam pensionem et porcionem percepisse et debere percipere necnon sufficientibus titulis eosdem religiosos supra apparacione et perceptione huiusmodi munitos fuisse et esse eosdem religiosos ab officio nostro contra eos in hac parte instituto absoluimus per decretum et dimittimus absolutos In cuius rei testimonium sigillum nostrum presentibus est appensum Datum apud Lidyngton decimo septimo Kalend Aprilis anno domini millesimo CCC quinquagesimo quinto et consecracionis nostre nono
Source (click image below to view full size)
