Charter Document - 00370040

Nouerint vniuersi sancte matris ecclesie filij quod W prior de Luffeld totiusque eiusdem loci conuentus concesserunt Roberto de Aumari et heredibus suis cantariam capelle beati Laurencij que sita est infra limites parochie sue de Thorneberge sub hac forma scilicet quod capellanus predicti prioris et monachorum de Torneberge tribus diebus in ebdomada scilicet die dominica die mercurij die veneris in predicta capella ministrabit si predictus R uel heredes sui uel libera familia sua ibi residentes fuerint et sacerdos sui potens fuerit ut ibi ministrare possit nisi aliqua iusta causa emergente impeditus fuerit quod ibi ministrare non possit Exceptis tunc diebus festiuis scilicet die Natali domini die absolucionis ante Pascha cum duobus diebus sequentibus die Pasche die Pentecostes die Assumpcionis beate Marie Quibus diebus predictus R et heredes sui cum omni familia sua si residentes ibi fuerunt ad matricem ecclesiam conuolabunt Si autem festiuitas alicuius apostoli uel dies omnium sanctorum superuenit extra tres dies prenominatos capellanus si sui potens fuerit ministrabit Prefatus autem R uel heredes sui nullum capellanum ministrantem in dicta capella retinere presument sine voluntate prioris et monachorum de Luffeld et capellani de Torneberge Si uero contigerit quod aliquis capellanus uel uir religiosus illac transsiens uel moram faciens ibi celebrauerit omnes obuenciones ibi prouenientes ecclesie matrici de Torneberge transmittentur Preterea nullus parochianorum matricis ecclesie in dicta capella ad diuina audienda in preiudicium et dampnum matricis ecclesie admittetur Dictus autem R et heredes sui omnia necessaria tam in libris quam in ceteris ornamentis que ad diuina celebranda pertinent et integre et honeste predicte capelle prouidebunt Diebus autem quibus sacerdos eidem capelle deseruierit idem R et heredes sui eidem sacerdoti ad mensam suam procuracionem prouidebunt Sepedictus autem R de assensu heredis sui dedit et concessit deo et ecclesie beate Marie de Thorneberge et monachis de Luffeld tres acras terre cum pertinencijs de feodo suo in Thorneberge super le Oldeland iuxta uiam et totum pratum pertinentes ad vnam virgatam terre in eadem villa sicut euenerit per diuisionem et decimam nouem acrarum quarum decima acra bladi datur ecclesie de Buchigham et vj denarios per annum percipiendos de thalamo memorati R et heredum suorum die beati Michaelis in liberam et puram et perpetuam elemosinam in omnibus tam hydagijs quam scutagijs et alijs forinsecis seruicijs Si autem aliquo casu series istius scripti non obseruetur ex parte predicti R et heredum suorum ministracio predicte capelle cessabit donec ecclesie matrici de Torneberge et eius yconomis competenter fuerit satisfactam Hanc autem composicionem fideliter obseruandam tam prior et monachi de Luffeld in verbo domini dixerunt quam R et heredes sui affidauerunt in presencia W Blesensis tunc archidiaconi de Buchingham et tocius capituli eiusdem loci sigillorum suorum apposicione confirmauerunt His testibus W archidiacono I de Prest decano R de Caluerunt decano R de Thorneberg I de Lechamsted A de Euersawe R Harenc W de la Haie W de Freine Rogero de Mortone Milone de Thorntone Rogero filio Azoris Et alijs