Charter Document - 00370034
| Charter Number: | 00370034 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1389 |
| Date type: | Internal, A.D., Feast, Calendar |
| Resource Link(s): |
|
Charter:
Uniuersis sancte matris ecclesie filijs presentes litteras inspecturis Willelmus permissione diuina Cantuar archiepiscopus tocius Anglie et apostolice sedis legatus salutem in domino sempiternam Nouerit vniuersitas uestra quod cum religiosi uiri prior et conuentus de Luffelde Lincolniensis diocesis certa die et loco per nos assignatis eisdem coram nobis dictam diocesem iure metropolitano uisitantibus sua priuilegia et instrumenta quorum iure ut dicebant fulciti ecclesias parochiales de Thornebergh et de Northdodeford cum capella de Euerschawe dicte diocesis in proprios usus tenent ac pensionem annuam decem solidorum de ecclesia de Bechampton et porcionem garbarum et aliarum rerum decimabilium in Salden infra fines et limites ecclesie parochialis de Murslee percipiunt et percipere pretendunt exhibuissent ac eciam ostendissent Nos visis examinatis et diligencius ponderatis huiusmodi exhibitis et ostensis quia inuenimus dictos priorem et conuentum memoratas ecclesias cum capella predicta canonice possedisse et pensionem et porcionem percepisse prelibatas ipsasque ecclesias cum capella predicta in proprios usus canonice optinuisse et optime possedisse et possidere ac dictas pensionem et porcionem percepisse et debere percipere necnon sufficientibus titulis eosdem religiosos super apparacionem et percepcionem huiusmodi munitos fuisse et esse eosdem religiosos ab officio nostro contra eos in hac parte institutos absolumus per decretum et dimittimus absolutos In cuius rei testimonium episcopale sigillum nostrum presentibus est appensum Datum apud Bytlesden octauo die Nouembris anno domini MCCCLXXX nono et nostre translacionis nono
Source (click image below to view full size)
