Charter Document - 00370021
| Charter Number: | 00370021 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1228 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus seruus seruorum dei dilectis filijs [] priori et conuentuj de Luffeld salutem et apostolicam benedictionem Cum a nobis petitur quod iustum est et honestum tam uigor equitatis quam ordo exigit rationis ut id per sollicitudinem officii nostri ad debitum perducatur effectum Eapropter dilecti in domino filii uestris iustis postulationibus grato concurrentes assensu personas et monasterium uestrum cum omnibus bonis que impresentiarum rationabiliter possidet aut in futurum iustis modis prestante domino poterit adipisci sub beati Petri et nostra protectione suscipimus Specialiter autem ecclesiam sancte Marie de Luffeld cum pertinentijs suis terras quoque possessiones et alia bona uestras sicut ea omnla iuste ac pacifice possidetis uobis et per uos eidem monasterio uestro auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre protectionis et confirmationis infringere et uel ei ausu temerario contraire Siquis autem hoc attemptare presumpserit indignationem omnipotentis dei beatorum Petri et Pauli apostolorum eius se nouerit incursurum Datum Perusij xviiij kalendas Septembris pontificatus nostri anno secundo
Source (click image below to view full size)
