Charter Document - 00370020

Innocentius episcopus seruus seruorum dei dilectis filijs abbati de Bethlesden et de Northampton et de Bukingham archidiaconis Lincolniensis diocesis salutem et apostolicam benediccionem Significauerunt nobis dilecti prior et monachi de Luffelde quod cum inter ipsos ex una parte et abbatem et conuentum de Egnesham ex altera Lincolniensis diocesis super subieccione et obedientia domus sue coram bone memorie Cantuarense archiepiscopo et venerabili fratre nostro episcopo Norwicense auctoritate nostra questio uerteretur tandem inter eos amicabilis composicio intercessit quam dicti abbas et conuentus licet hinc inde finiit interposicione fidei roborata renuunt obseruare Quocirca discrecioni uestre per apostolica scripta mandamus quatinus composicionem ipsam sicut sine prauitate proinde facta est et ab utraque parte sponte recepta faciatis appellacione remota per censuram ecclesiasticam firmiter obseruari Testes autem qui fuerunt nominati si se gracia odio vel timore subtraxerint simili districcione appellacione cessante cogatis ueritati testimonium perhibere Nullis litteris ueritati et iusticie preiudicantibus a sede apostolica impetratis sed si non omnes hijs exequendis potueritis interesse duo uestrum ea nichilominus exequantes Datum Laterano ij nonas Octobris pontificatus nostri anno nono