Charter Document - 00370018
| Charter Number: | 00370018 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1330 |
| Date type: | Internal, Calendar, Papal |
| Resource Link(s): |
|
Charter:
Iohannes episcopus seruus seruorum dei dilecto filio [] priori monasterij de Dunstaple per priorem solid gubernari Lincolniensis diocesis salutem et apostolicam benedictionem Sua nobis [] prior et conuentus prioratus de Luffeld ordinis sancti Benedicti Lincolniensis diocesis petitione monstrarunt quod licet ipsi ecclesiam parrochialem de Thornberge dicte diocesis in proprios usus canonice obtinerent prout obtinent et tam ipsi quam predecessores eorum predictam ecclesiam a tempore quo eam in huiusmodi usus habuerunt tenuerunt et possiderunt et tunc tenerent et possiderent pacifice et quiete tamen prior et conuentus prioratus de Bradewelle ordinis et diocesis predictorum falso asserentes quod licet dicta ecclesia eidem prioratui de Bradewelle canonice annexa fuisset ac predecessores eorum predictam ecclesiam a tempore annexionis huiusmodi aliquamdiu pacifice possedissent ut mendaciter pretendebant tamen prefafi prior et conuentus de Luffeld predictam ecclesiam contra iustitiam occuparant et definebant occupatam in ipsorum prioris et conuentus de Bradewelle preiudicium et grauamen contra dictos priorem et conuentum de Luffeld super hoc nostras ad [] priorem de Snelleshale dicte diocesis in communi forma litteras impetrarunt dictosque priorem et conuentum de Luffelde super hijs fecerunt coram eodem priore de Snelleshale auctoritate litterarum huiusmodi ad iudicium euocari Vero quia prefatus prior de Snelleshale postquam aliquandiu inter partes ipsas in huiusmodi causa coram eo processum extiterat pretendens nimis ueraciter se de huiusmodi causa propter infirmitatem proprij corporis ulterius non posse cognoscere ac super hoc alteri uices suas commictere humiliter requisitus indebite denegans in fauorem partis alterius eisdem priore et conuentu de Luffeld renitentibus et inuitis causam et partes easdem ad apostolice sedis remisit examen certain eisdem partibus terminum prefigendo in quo partes ipse super hijs apud sedem eandem comparerere deberent Pro parte dictorum prioris et conuentus de Luffeld sentientium exinde indebite se grauari fuit ad sedem appellatam eandem Quocirca discrefioni me per apostolica scripta mandamus quatinus uocatis qui fuerint euocandi et auditis hincinde propositis quod iustum fuerit appellatione remota decernas faciens quod decreueris per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint censura simili appellatione cessante compellas ueritati tesfimonium perhibere Datum Auinion ij idus Marcij ponfificatus nostri anno quartodecimo
Source (click image below to view full size)
