Charter Document - 00370017
| Charter Number: | 00370017 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1330 |
| Date type: | Internal, Calendar, Papal |
| Resource Link(s): |
|
Charter:
Iohannes episcopus seruus seruorum dei dilecto filio [] priori monasterij de Dunstaple per priorem soliti gubernari Lincolniensis diocesis salutem et apostolicam benedictionem Sua nobis [] prior et conuentus prioratus de Luffeld ordinis sancti Benedicti Lincolniensis diocesis petitione monstrarunt quod licet ipsi parriochialem ecclesiam de Thornberge dicte diocesis in proprios usus canonice obtinerent prout obtinent et tam ipsi quam predecessores eorum predictam ecclesiam a tempore quo eam in huiusmodi usus habuerunt tenuerunt et possiderunt et tunc tenerent et possiderent pacifice et quiete tamen [] prior et conuentus prioratus de Bradewelle ordinis et diocesis predictorum falso asserentes quod licet dicta ecclesia eidem prioratui de Bradewelle canonice annexa fuisset et predecessores eorum predictam ecclesiam a tempore annexionis huiusmodi aliquandiu pacifice possedissent ut mendaciter pretendebant tamen prefati prior et conuentus de Luffeld predictam ecclesiam contra iustitiam occuparant et detinebant occupatam in ipsius prioris et conuentus de Bradewelle preiudicium et grauamen contra dictos priorem et conuentum de Luffeld super hoc nostras ad [] priorem de Snelleshale dicte diocesis in communi forma litteras impetrarunt dictosque priorem et conuentum de Luffeld super hijs fecerunt coram eodem priore de Snelleshale auctoritate litterarum huiusmodi ad iudicium euocari Ex parte uero dictorum prioris et conuentus de Luffeld ex eo sentientium a prefato priore de Snelleshale postquam inter partes ipsas in causa huiusmodi aliquandiu processum extitit coram eo indebite se grauari quod in fauorem partis aduerse in eadem causa ulterius procedere aut uices sums alteri committere absque causa rationabili contra iusticiam recusauit expresse abeis super hoc humiliter et plumes requisitus fuit ad sedem apostolicam appellatum Quocirca discretioni tue per apostolica scripta mandamus quatinus uocatis qui fuerint euocandi et auditis hinc inde propositis quod iustum fuerit appellatione remota decernas faciens quod decreueris per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint censura simile appellatione cessante compellas ueritati testimonium perhibere Datum Auinion ij idus Martij pontificatus nostri anno quartodecimo
Source (click image below to view full size)
