Charter Document - 00370007

Eugenius episcopus seruus seruorum dei dilectis filiis Willelmo priori Luffeldensis monasterii eiusque fratribus tam presentibus quam futuris regularem vitam professis imperpetuum Religiosis desideriis dignum et facilem prebere consensum et iustis petitionibus congruum impertiri suffragium quatenus et deuotionis sinceritas laudabiliter enitescat et utilitas postulata lures indubitanter affirmat Eapropter dilecti in domino filij uestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus Statuentes ut quascunque possessiones quecunque bona eadem ecclesia in presentiarum iuste et canonice possidet aut infuturum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestrisque successoribus et illibata permaneant Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere seu aliquibus vexationibus fatigare sed omnia inconcussa et integra conseruentur eorum pro quorum gubernatione ac sustentione concessa sunt usibus omnimodis profutura Salua diyocesani episcopi canonica iustitia Siqua igitur infuturum ecclesiastica secularique persona hanc nostre constitutionis paginam sciens contra eam temere uenire temptauerit secundo tercioue commonita nisi presumptionem suam congrua satisfactione correxerit potestatis honorisque sui dignitate careat reamque se diuino iuditio existere de perpetrata iniquitate cognoscat eta sacratissimo corpore ac sanguine dei et domini redemptoris nostri Ihesu Christi aliena fiat atque in extremo examine districte uhioni subiaceat Cunctis autem eidem loco sua iura seruantibus sit pax domini nostri Ihesu Christi quatenus et hic fructuum bone actionis percipiant et apud supremum iudicem premia eterni pacis inueniant Amen Benedicite Amen Ego Otto diaconus cardinalis sancti Georgii ad uelum aureum subscripsi + Ego Rodulfus diaconus cardinalis sancte Lucie in septa solis subscripsi + Ego Gregorius presbiter cardinalis tituli sancti Calixti subscripsi + Ego Nicolaus Albanensis episcopus subscripsi + Ego Gregorius diaconus cardinalis sancti Angeli subscripsi + Ego Iulius presbiter cardinalis tituli sancti Marcelli subscripsi + Ego Hugo Hostiensis episcopus subscripsi + Ego Rollandus presbiter cardinalis sancti Marci subscripsi + Ego Gerardus presbiter cardinalis tituli sancti Stephani in monte celio subscripsi Datum Signie per manum Bosonis sancte Romane ecclesie scriptoris idibus Februarii indictione xv Incarnationis dominice anno MCLI Pontificatus uero domni Eugenii pape iij anno septimo