Charter Document - 00369080
| Charter Number: | 00369080 |
|---|---|
| Cartulary Title: | Newington Longeville Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1222 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus seruus seruorum dei uenerabili fratri episcopo et dilectis filiis archidiacono Rouen et decano de Dertephorde Rouens dioecesis salutem et apostolicam benedictionem Dilectus filius rector ecclesie de Magna Dunmaue nobis conquerendo monstrauit quod abbas et conuentus sancti Iohannis de Colecestria et quidam alii Lund dioecesis super decimis et rebus aliis ad eandem ecclesiam de iure spectantibus iniuriantur eidem ideoque discrecioni uestre per apostolica scripta mandamus quatinus partibus conuocatis audiatis causam et appellacione remota fine debito decidatis facientes quod decreueritis per censuram ecclesiasticam firmiter obseruari Testes autem qui fuerint nominati si se gracia odio uel timore subtraxerint censura simili appellacione cessante cogatis ueritati testimonium perhibere Quod si non omnes hiis exequendis potueritis interesse tu frater episcope cum eorum altero ea nihilominus exequaris Dat Anagnie VII Kal Aprilis pontificatus nostri anno VI
Source (click image below to view full size)
