Charter Document - 00369062
| Charter Number: | 00369062 |
|---|---|
| Cartulary Title: | Newington Longeville Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum dei dilectis filiis priori sancti Oswaldi archidiacono et decano Glouernie Wigorniensis dioecesis salutem et apostolicam benedictionem Dilecti filii abbas et conventus de Nothelee nobis conquerendo monstraverunt quod prior et conventus de Longaville et quidam alii Lincolnieniensis Saresburiensis et Wygorniensis dioecesum super decimis possessionibus omnibus et rebus aliis iniuriantur eisdem Ideoque discretioni vestre per apostolica scripta mandamus quatinus partibus convocatis audiatis [causam et] omni appellacione remota fine debito terminetis facientes quod statueritis per censuram ecclesiasticam firmiter obseruari Testes autem qui fuerint nominati si se gracia odio vel timore subtraxerint per censuram eandem cessante appellatione cogatis veritati testimonium perhibere Quod si non omnes hiis exequendis poteritis interesse duo vestrum ea nihilominus exequantur Datum Laterani X Kal Aprilis pontificatus nostri anno octavo
Source (click image below to view full size)
