Charter Document - 00360027

Omnibus Cristi fidelibus presens scriptum inspecturis precentor cancellarius et succentor Saresburienses salutem in domino Mandatum domini pape in hec uerba suscepimus [] Cum igitur huiusmodi auctoritate mandati inter predictum R rectorem ecclesie de Horwode actorem ex una parte et priorem et conventum de Longavilla reos ex altera super decimis observato iuris ordine coram nobis aliquantulum esset altercatum tandem inter eos amicabilis intervenit compositio in hunc modum Priore et conventu de Longavilla die Lune proxima post festum beati Iohannis Baptiste in ecclesia beate Marie Sar[] per W de Lyncolnia clericum procuratorem suum ad defendendum et componendum legitime constitutum et sepedicto R per S de Erderne clericum procuratorem suum ad agendum et componendum legitime datum coram nobis comparentibus idem R per dictum S procuratorem suum omni actioni et iuri quod se habere dixit in dictis decimis sive omnibus essartis in parochia de Horwode ante illam compositionem in culturam redactis in decimis de alien[] et in decimis feni dictorum monachorum scilicet de dominico suo et in decimis garbarum de dominico Gaufridi de sancto Martino de Sincleberge plane renunciavit Dictus vero prior et conventus per W procuratorem suum messuagium illud vicinum dominico messuagio dictorum monachorum ex parte occidentali in villa de Horwode dicto R et ecclesie sue de Horwode et eiusdem rectoribus liberum et ab omni exactione quietum imperpetuum concesserunt in quo dictus R domos suas construxit Percipiet etiam dictus R decimas minutas de dominico dictorum monachorum quamdiu a laicis inhabitatur Si vero dicti monachi in eodem residenciam fecerint eedem minute decime pretextu privilegii sui in proprios usus eisdem remanebunt Insuper prefati prior et conventus sepedicto R annuos xii s sterlingorum quoad vixerit persoluent ad duos anni terminos videlicet ad Penthecosten vi s et ad festum sancti Martini vi s si vero in aliquo dictorum terminorum a solutione cessaverint omnes expensas quas dictus R per se vel per procuratorem dictum debitum exigendo imposuerit prefati prior et conventus sibi absque cavillacione refundent dummodo dictus R per se vel per nuncium suum ad curiam dictorum monachorum apud Newynton prefatum debitum exigerit Si vero processu temporis [quod absit] contigerit quod alter sepedictarum parcium ab ista compositionis sive transactionis forma voluerit resilire nos auctoritate predicta easdem tunc omni fori privilegio renunciantes ad dicte transactionis observanciam compellemus Ne autem transactio ista auctoritate nostra vallata processu temporis per actum contrarium valeat infirmari presens scriptum in modum cyrographi liberatum et ambabus partibus mancipatum sigillorum nostrorum munimine roboravimus Facta fuit ista transactio anno ab incarnacione domini mccxiiii