Charter Document - 00340473

In nomine Patris et Filii et Spiritus Sancti Amen Ego Iuliana Wyth condo ordino et facio testamentum meum in hunc modum in primis lego animam meam deo et beate Marie et omnibus sanctis et corpus meum sepeliendum apud fratres Minores Oxonie item lego luminaribus circa corpus meum unam marcam argenti item in pane ad distribuendum pauperibus pro anima mea xx solidos item lego summo altari ecclesie beati Aldati Oxonie v solidos item rectori ecclesie beati Aldati duos aundires et unam mensam cum tristell item fratri Roberto filio meo xx solidos ad libros item lego ad pietantiam confratrum filii mei quacunque domo commoretur pro tempore mortis mee dimidiam marcam argenti item lego fratribus predicatoribus Oxonie iiii solidos item fratribus de Monte Carmeli iiii solidos item fratribus sancti Augustini iii s item fratribus de penitentia Ihesu Christi ii s item magistro Petro de Abindone unum annulum aureum qui probatur esse talis uirtutis ut quicunque percussus fuerit del felun et illo benedicatur dicte infirmitatis recuperet sanitatem et unum ciphum argenteum Item Clementie filie mee duo tapeta meliora quatuor lintheamina meliora x s argenti et unum coclear argenti unum ciphum de mazer cum pede et unum ollam eream de una lagena et unum urceolum de quarta et alium de dimidia lauatorium et unam peluim meliorem et unam mappam sec[undum] mel[ius] et unam paruam mappam Item Margarete nepote mee ciphum de mazere sine pede et tres solidos et unum coclear argenti et unam paruam culcitram ad capud Item domine Fredeswyde de Stodleye xii d item domine Celene xii d item domine Emme xii d item unum tapetum rubeum ad seruiendum summo altari ecclesie beati Aldati Oxonie item unum candelabrum de ferro ad seruiendum circa corpora mortuorum in ecclesia beati Aldati Oxonie item Waltero capellano ecclesie beati Aldati Oxonie iii s et unam cistam secundum melius et unum sotel item Elie filio Matildis de Glimtone xii d item domine Iuliane de la Wyke unum pallium de morreye furatum de biches cum caputio et tunica de eodem panno et unum firma culum aureum melius et unum coclear argenteum et unam culcitram meliorem cum parua ad capud item Iuliane filie domine Iuliane de la Wyk unum rochetum meliorem et Cristiane sorori sue alium rochetum peiorem et unum firmaculum cum manu Item dicte Iuliane et Cristiane sorori sue uidelicet filiabus domine Iuliane de la Wyk xx s item domino Maynard rectori ecclesie beati Martini Oxonie unam mappam meliorem et unum coclear argenteum item domine Katerine Cursy unum firmaculum aureum secundum melius et duo barill[ia] peior[a] et unum coclear argenteum Item Ricardo filiolo meo xii d item domine Alitie Pady moniali de Godestowe iii s item feretro sancte Fredeswyde unam zonam de serico argento ornatam item unam tunicam de blueto et unam cistam ad uendendum et distribuendum pauperibus hospitalis sancti Iohannis Oxonie item Ricardo capellano unam patellam ferro ligatam et unum coclear argenti Item Emme seruiente mee unum pallium uiride cum furura de bices et supertunica de eodem panno Et etiam lego Clementie filie mee fururam de supertunica dicte Emme Item Emme seruienti mee unam culcitram peiorem et duo lintheamina et unum tapetum uetus et unam ollam eream de una lagena sec[undum] mel[ius] et unam peluim paruam et unam patellam paruam et unam cistam paruam ferro ligatam et sex pectines et v solidos et duas paruas mappas et unam pelice[m] et duo camisia et par sotular[ium] Item Alitie Hammund unam supertunicam de ueteri morreye et Emme seruienti mee futuram de super tunica dicte Alitie Item Philippo de O unam bursam de serico item Roberto filio Thome Prust dimidiam marcam argenti item Beatrice uxori Iohannis Coci unum coclear argenteum item Nicholao le Taylur unum forsar ferro ligatum item robam meam de Ypres et robam meam de blueto furrato de sindone et capam meam collobium meum et unum cacabum et unam patellam de quinque lagenis ad uendendum secundum dispositionem executorum meorum Et quia non habeo pecuniam in promptu ad perfitienda legata uolo quod omnes reditus meos quos habeo in uilla Oxonie uidelicet sex denarios annui redditus percipiendos ad Pascha de duobus mesuagiis cum pertinentiis que iacent iuxta cimiterium sancti Petri Orientalis Oxonie inter terram Abbatis de Oseneya ex una parte et terram Roberti Wynter ex altera quem quidem redditum emi a Ricardo filio Canun et herede et unam dimidiam marcam de domo que sita est inter tenementum Nicholai Aurifabri ex una parte et tenementum quod fuit quondam Iohannis Burgeys ex altera in parochia Omnium Sanctorum et unam dimidiam marcam annui redditus de domo que sita est inter tenementum Thome de Bedeforde ex una parte et tenementum Priorisse de Stodleya ex altera in parochia sancte Mildride in Oxonia ex qua dimidiam marca soluuntur Uniuersitati Oxonie iiii sol et unam libram piperis annui redditus de selda corneria cum pertinentiis sita inter tenementum Prioris sancte Fredeswyde in parochia sancte Mildride ad festum sancti Michaelis percipiendam quem quidem redditum emi a Roberto Wyth filio Laurentii Wyth et herede uendantur secundum dispositionem exsecutorum meorum prout melius uiderint expedire ut testamentum meum compleatur Item lego omnia mobilia et immobilia indistincte legata quod uendantur et distribuantur secundum dispositionem exsecutorum meorum Exsecutores meos constituo magistrum Hugonem rectorem ecclesie beati Aldati Oxonie dominum Maynard rectorem ecclesie beati Martini Oxonie et Walterum capellanum