Charter Document - 00330486

Uniuersis sancte matris ecclesie filiis pateat per presentes quod nos Willelmus filius Roberti de Wellys et Iohanna uxor mea fatemur nos coniunctim et diuisim teneri et per presentes firmiter obligari magistro et fratribus hospitalis sancti Iohannis extra portam orientalem Oxonie annuatim quamdiu uixerimus in uiginti solidis sterlingorum pro quodam tenemento quod dicti magister et fratres nobis ad terminum uite nostre concesserunt prout in quodam scripto inter nos inde confecto plenius continetur ad quam quidem solucionem plenarie faciendam ac etiam dictum tenementum sumptibus nostris propriis competenter reparandum et sustentandum obligamus nos heredes et executores nostros ac etiam omnia bona nostra mobilia et immobilia ubicumque fuerint inuenta iurisdiccioni et subieccioni cuiuscumque iudicis ecclesiastici seu secularis districcioni etiam balliuorum domini regis seu aliorum prout dictis magistro et fratribus melius uiderit expedire Obligamus etiam dictis magistro et fratribus quoddam tenementum nostrum situatum in parochia beate Marie uirginis Oxonie inter tenementum prioris et conuentus sancte Frideswyde ex una parte et tenementum Iohannis de Bealmound ex altera parte ita quod liceat dictis magistro et fratribus in dicto tenemento nostro in quorumcumque manus deuenerit sine aliqua contradiccione de die in diem distringere et districciones retinere quousque eisdem magistro et fratribus tam de dicto rcdditu quam de reparacione et sustentacione dicti tenementi una cum dampnis et expensis si que uel quas ea occasione per nos sustinuerint plenarie fuerit satisfactum In cuius rei testimonium sigilla nostra presentibus apposuimus Dat Oxonie die Veneris in festo sancti Michaelis archangeli anno regni regis Edwardi filii regis Edwardi duodecimo