Charter Document - 00330477
| Charter Number: | 00330477 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1300 - 1312 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presentes littere peruenerint Ricardus dictus le Tayllur de Schrouesbury capellanus salutem in domino sempiternam Nouerit universitas uestra me diuini amoris intuitu et pro salute anime mee et pro animabus antecessorum meorum concessisse et omnino quietum clamasse pro me et heredibus meis vel assignatis meis deo et beate Marie et magistro et fratribus et infirmis hospitalis sancti Iohannis extra portam orientalem Oxonie et eorum successoribus totum ius et clamium quod unquam habui vel aliquo modo habere potui in illo tenemento cum duabus seldis et redditibus et cum omnibus aliis suis pertinenciis quod vero tenementum predictis magistro et fratribus hospitalis predicti ad terminum viginti et sex annorum ad firmam dimisi Et quod tenementum situm est in parochia beate Marie virginis Oxonie in quodam vico qui vocatur Gropecuntelane inter tenementum predictorum magistri et fratrum hospitalis predicti ex parte boreali et tenementum prioris et conuentus sancte Fredeswyde Oxonie ex parte australi quod quidem tenementum cum omnibus suis pertinenciis predictis ego predictus Ricardus emi de Alicia Nowel que me inde per cartam suam feoffavit habendum et tenendum totum predictum tenementum cum omnibus suis pertinenciis predictis dicto hospitali et magistro et fratribus et eorum successoribus in perpetuum reddendo inde annuatim et faciendo capitalibus dominis seruicia subscripta videlicet procuratoribus ecclesie beate Marie virginis predicte tres solidos per annum ad quatuor anni terminos principales et usuales per equales porciones et Philippo de Ew et heredibus suis decem denarios per annum pro omni seculari seruicio consuetudine exaccione et demanda ita videlicet quod nec ego aut heredes vel assignati mei nec aliquis alius per me vel pro nomine meo aliquid iuris vel clamii in dicto tenemento seldis et redditibus cum omnibus suis pertinenciis de cetero exigere potero aut vendicare In cuius rei testimonium presentibus litteris sigillum meum apposui
Source (click image below to view full size)
