Charter Document - 00330465
| Charter Number: | 00330465 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1264 - 1265 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Halegod de Oxonia concessi et omnino quietum clamaui et hac presenti carta mea confirmaui deo et beate Marie et magistro et fratribus et infirmis Hospitalis Sancti Iohannis extra portam orientalem Oxonie et eorum successoribus totum ius meum et clamium quod habui uel habere potui in illa domo cum pertinenciis in Cattestrete que uocatur Herburehalle quam quidem domum cum pertinenciis Andreas Halegod auunculus meus dedit ac legauit predictis magistro et fratribus et eorum successoribus in liberam et puram et perpetuam elemosinam in perpetuum ita quod nec ego nec heredes mei nec aliquis pro me uel per me ius uel clamium in dicta domo cum pertinenciis de cetero poterimus exigere uel clamare Pro hac autem concessione et quieta clamacione et carte mee confirmacione dederunt michi predicti magister et fratres dimidiam marcam argenti pre manibus in gersummam Et ut hec mea concessio et quieta clamacio et carte mee confirmacio rata et inconcussa permaneat huic scripto sigillum meum apposui hiis testibus Nicholao de Stocwelle tunc maiore Oxonie Willelmo de Ew Galfrido le Mercer tunc prepositis Oxonie Nicholao de Kyngestone Iohanne de Coleshulle Iohanne Padi Galfrido de Henxtesheye Rogero le Sauser Rogero le Bolter Philippo clerico Oxonie et aliis
Source (click image below to view full size)
