Charter Document - 00330452
| Charter Number: | 00330452 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1308 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Iuo filius Willelmi quondam ligatoris librorum de Cattestrete salutem in domino Noueritis me concessisse remisisse relaxasse et omnino pro me et heredibus meis imperpetuum quietum clamasse magistro et fratribus Hospitalis sancti Iohannis extra portam orientalem Oxonie eorumque successoribus totum ius et clamium quod habui habeo vel habere potero in toto tenemento illo cum pertinenciis quod nuper inhabitaui in parochia sancte Marie Virginis quod quidem tenementum situm est in vico de Cattestrete inter commune tenementum Prioris sancte Frideswyde et fratrum predictorum ex parte boriali et tenementum eorundem fratrum ex parte australi ita quod nec ego nec heredes mei nec alius nomine meo in predicto tenemento aliquod ius vel clamium de cetero exigere poterimus nec in futurum vendicare set ab omni exactione et iuris remedio nobis qualitercumque competenti per presentes imperpetuum simus exclusi In cuius rei testimonium huic scripto quiete clamancie meum apposui sigillum Dat Oxonie in vigilia sancti Laurencii martiris anno regni regis Edwardi filii regis Edwardi secundo Hiis testibus Iohanne de Dokelyntone tunc maiore Oxonie Willelmo de Burencestria et Iohanne de Hamptone tunc ballivis eiusdem Roberto de Wormehale Iohanne de Coleshulle Philippo de Eu Roberto Notario stacionario de Cattestrete Iohanne de Bisscopestone et aliis multis
Source (click image below to view full size)
