Charter Document - 00330449
| Charter Number: | 00330449 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1210 |
| Date type: | Assigned |
| Resource Link(s): |
|
Charter:
Notum sit uniuersis fidelibus presentibus et futuris quod ego Petrus Illuminator et ego Sara uxor eius filia Ade Bradfot in magnis necessitatibus nostris ad nos sustentandum uendidimus Ade Bradfot pro tribus marcis argenti totam illam terram nostram cum suo superfecto in uico de Kattestrete quam ipse Adam dederat nobis et ipsam terram penitus absque ullo retinemento in manus illius surum reddidimus et etiam ipsam terram illi et heredibus suis in perpetuum solutam et quietam clamauimus Et preterea ego Petrus et ego Sara uxor eius affidauimus et tactis sacrosanctis ewangeliis iurauimus quod nos contra omnes homines qui possunt uiuere uel mori masculos uel feminas warantizabimus uendicionem predicte terre prefato Ade et heredibus suis et quod ipse Adam aut heredes eius aut ullus alius qui ipsam terram tenebit nunquam aliquo tempore in posterum uexabitur nec ullo modo nec ulla arte grauabitur de predicta terra per nos neque per heredes nostros neque per ullum alium per nos aut per heredes nostros et sciendum quod predictus Adam pater meus dedit michi Sare unos sotulares de cordueno separatim in gersumam Ut autem hec nostra uendicio predicte terre in perpetuum rata et firma permaneat hac nostra presenti carta ego Petrus et ego Sara uxor eius uoluimus declarare et sigillis nostris insimul confirmare Hiis subscriptis testibus Thoma filio Eilrici Turoldo Corduenero Adam Rufo Gileberto filio Burewold Elfredo de Elmele Waltero Iuxta murum Elfredo genero eius Waltero Wigge Lamberto Corduenero Baldwino Lorimero Simone de Brackele Iohanne filio Eilnodi Benedicto fratre eius Petro nepote Rogeri Illuminatoris Iohanne Illuminatore Radulfo Illuminatore Willelmo Illuminatore Roberto filio Rogeri Illuminatoris Hugone Rufo Roberto de Nordhamt[one] Ricardo et Willelmo filiis eius Iohanne Olim Simone fratre eius Thoma Scriptore Rogero Pergamenero et multis aliis
Source (click image below to view full size)
