Charter Document - 00330439

Sciant presentes et futuri quod ego Iohannes Lenfant de Wolgaricote dedi concessi et hoc presenti carta mea confirmaui Willelmo filio meo et heredibus suis et suis assignatis totam terram meam cum domibus desuper existentibus in Cattestrete in parochia beate Marie Oxonie uidelicet illam terram que iacet inter terram magistri Radulphi Cirurgicii ex una parte et terram Willelmi ligatoris librorum ex altera tenendam et habendam dictam terram cum omnibus pertinenciis dicto Willelmo et heredibus suis uel suis assignatis exceptis Uniuersitate cleri Oxonie et Iudaismo et omni loco religioso alio quam Hospitali sancti Iohannis extra portam orientalem libere quiete iure et hereditario in perpetuum reddendo inde annuatim Hospitali sancti Iohannis extra portam orientalem decem solidos ad quatuor anni terminos uidelicet ad festum beati Thome apostoli duos solidos et sex denarios ad festum beate Marie in Marcio duos solidos et vi denarios ad Natiuitatem sancti Iohannis Baptiste duos solidos et vi denarios et ad festum sancti Michaelis duos solidos et vi denarios pro omni seruicio seculari exaccione et demanda Ego uero Iohannes Lenfant predictam terram cum omnibus pertinenciis predicto Willelmo filio meo et heredibus suis et suis assignatis contra omnes gentes mares et feminas acquietabimus warantizabimus et in perpetuum defendemus Et ut hec mea donacio concessio et presentis carte mee confirmacio rata et stabilis inposterum permaneant sigillum meum huic scripto apposui hiis testibus Nicholao de Kingestone tunc maiore Oxonie Nicholao de Collishille Iohanne Sewy tunc balliuis Willelmo ligatore librorum Simone Scot Thoma Bedello magistro Radulpho Cirurgico Simone Balle Thoma Balle Henrico de Lincolnia Roberto Notario scripto scriptore et aliis