Charter Document - 00330433
| Charter Number: | 00330433 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Pilet dedi et concessi et liberaui et hac presenti carta mea confirmaui deo et Hospitali sancti Iohannis Baptiste extra portam orientalem Oxonie et fratribus ibidem deo seruientibus pro salute anime mee et patris mei et matris mee fratrum et sororum et antecessorum meorum in liberam et puram et perpetuam elemosinam terram meam in Cattestrete scilicet illam que est inter terram Iohannis Sewi et terram Petri Illuminatoris que extendit usque ad terram meam in uico sancte Marie quam tenui de Henrico filio Symeonis habendam et tenendam ill[is] in perpetuum libere quiete et integre pro omni seruitio et exactione reddendo inde michi annuatim quamdiu uixero septem solidos et nouem denarios ad quatuor terminos uidelicet ad festum sancti Michaelis uiginti tres denarios et ad Natale uiginti tres denarios et ad Pascha uiginti tres denarios et ad Natiuitatem sancti Iohannis Baptiste duos solidos et capitali domino duos denarios scilicet unum denarium ad Pascha et unum denarium ad festum sancti Michaelis et duos denarios ad luminare ecclesie sancti Michaelis ad portam aquilonarem Et post decessum meum predicta terra soluta et quieta remaneat predicto hospitali et fratribus predictis ibidem deo seruientibus in perpetuum per eadem seruicia que dum uiuerem pro predicta terra facere solebam Et ut hec mea donatio concessio et liberatio rate et inconcusse permaneant presentem cartam sigilli mei munimine corroboraui Hiis testibus Henrico filio Symeonis Thuraldo Allutario Roberto filio Oeni Philippo Molendinario Galfrido Aurifabro Adam Ruffo Waltero Ynge et multis aliis
Source (click image below to view full size)
