Charter Document - 00330426

Sciant presentes et futuri quod ego Iuliana priorissa de Stodleye et eiusdem loci conuentus unanimi concensu et uoluntate uendidimus et concessimus et tradidimus et liberauimus et hac presenti carta confirmauimus Roberto filio Iohannis de Prestune domum quam habuimus in uilla Oxonie scilicet in Kattesstret proximiorem iuxta domum sanctimonialium de Godestovve ex parte aquilonis et proximiorem iuxta domum Agnetis Coterig ex parte australi cum omnibus pertinenciis et libertatibus suis tenendam et habendam libere et quiete et pacifice de nobis et successoribus nostris in perpetuum sibi et quibuscumque eam dare uel uendere uel legare uel quocumque modo assignare uoluerit siue domibus religiosis siue aliis quibuscumque reddendo inde ipse et sui assignati nobis et successoribus nostris unum denarium ad festum sancti Michaelis et duos denarios Reginaldo Mason et tres solidos Waltero Feteplace scilicet ad festum sancti Michaelis xviii d et ad festum beate Marie in Marcio xviii d pro omnibus seruiciis et consuetudinibus et exaccionibus que de predicta domo aliquo tempore exigi possunt Nos uero dictam domum cum omnibus pertinenciis suis contra omnes homines et feminas dicto Roberto et suis assignatis in perpetuum warantizabimus ac defendemus Pro hac uero uenditione et concessione et warantizatione dedit nobis dictus Robertus sexdecim marcas argenti Et ut hec que a nobis acta sunt rata et inconcussa in perpetuum habeantur ea presenti carta cum appositione sigilli conuentus nostri una cum appositione sigilli priorisse confirmauimus Hiis testibus Petro filio Thorald tunc temporis maiore Oxonie Henrico filio Simionis Philippo molendinario Galfrido de Stocwelle Willelmo de Heu Nicholao de Stocwelle tunc temporis prepositis Oxonie Iohanne Sewi Hugone Harding Roberto Ruffo Adam Fabro Herico Barbatore et aliis