Charter Document - 00330404
| Charter Number: | 00330404 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod ego Aubreia et heredes mei concessimus et dimisimus et liberauimus Iohanni de porta orientali terram nostram que est inter terram Ricardi Coci et terram Osberti Maupas in parrochia sancti Petri uersus portam orientalem Oxonie illi et heredibus suis habendam et tenendam de nobis et de heredibus nostris qui de nobis processerint in feudo et hereditate libere et quiete et integre in latum et in longum reddendo inde annuatim duodecim denarios ad duos terminos anni pro omni seruitio uidelicet vi denarios ad Floridum Pasca et vi denarios ad festum sancti Michaelis Et ego Aubreia et heredes mei warantizabimus totam predictam terram prefato Iohanni et heredibus eius contra omnes homines mares et feminas et pro concessione nostra et liberatione et dimissione et warantizatione nostra predicte terre predictus Iohannes dedit nobis de recognitione iiii denarios separatim michi scilicet i et tribus pueris meis cuilibet unum et fidelitatem michi fecit de tenemento Et ut hec concessio et liberacio nostra perpetuo firma et stabilis predicte terre permaneat hac carta nostra presenti et sigillis nostris ego Aubreia et filia mea Aubreia insimul confirmauimus hiis testibus Galfrido Sacerdote Laurentio filio Radulfi Toma Pleidur Bartholomeo Grauntmarche Iohanne Padi Ricardo Ruffo Roberto Oen Wimundo Tailur Steffano Ruffo Et ego predictus Iohannes dono et concedo hanc predictam terram uxori mee Herilde in dotem si forte diucius me uixerit nisi aliquis heres ex nobis processerit et hac presenti carta confirmo eisdem testibus predictis
Source (click image below to view full size)
