Charter Document - 00330375
| Charter Number: | 00330375 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1315 |
| Date type: | Internal, Feast, Regnal |
| Resource Link(s): |
|
Charter:
Uniuersis Cristi fidelibus ad quos presentes littere peruenerint Elianora relicta Philippi de Wermenhale salutem in domino Noueritis me in legia uiduitate mea ac plena potestate remisisse relaxasse et omnino quietum clamasse magistro et fratribus hospitalis sancti Iohannis extra portam orientalem Oxonie ac eorum successoribus in perpetuum totum ius et clameum quod habui uel habeo seu aliquo modo habere potero in toto illo gardino quod iacet in parochia sancti Petri orientalis Oxonie inter tenementum abbatis de Oseneye ex parte orientali et quandam placeam terre uacuam dictorum magistri et fratrum ex parte occidentali et continet in longitudine sex perticatas excepto uno pede et in latitudine tres perticatas ita quod ego nec heredes mei seu assignati nec aliquis nomine nostro aliquid iuris uel clamei in predicto gardino de cetero exigere uel uendicare poterimus in futurum sed ab omnimodis accionibus dictum gardinum qualitercumque tangentibus in perpetuum excludamur In cuius rei testimonium huic quiete clamancie sigillum meum apposui Hiis testibus Iohanne de Doclyntone maiore Oxonie Iohanne Culuerd Roberto de Watlintone balliuis Oxonie Roberto de Wermenhale Willelmo de Berncestre et aliis Dat Oxonie in uigilia sancti Thome apostoli anno regni regis E filii regis E nono
Source (click image below to view full size)
