Charter Document - 00330358
| Charter Number: | 00330358 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Stephanus de Burgo clericus rector ecclesie de Eketone dedi concessi et hac presenti carta mea confirmaui in puram et perpetuam elemosinam deo et fratribus hospitalis sancti Iohannis extra portam orientalem Oxonie unum mesuagium cum omnibus pertinenciis in uilla Oxonie in parochia sancti Petri orientalis quod mesuagium situm est inter mesuagium Wymundi ex parte australi et mesuagium hospitalis sancti Iohannis ex parte boriali habendum et tenendum pro me et heredibus meis deo et fratribus hospitalis dicte domus libere quiete pacifice hereditarie in perpetuum faciendo capitalibus dominis feodi debita seruicia et consueta sicut continetur in carta feofamenti quam habui de Willelmo de Pillorio Oxonie Et ego dictus Stephanus et heredes mei uel assignati mei predictum mesuagium prescriptis fratribus predicti hospitalis sancti Iohannis contra omnes gentes in perpetuum warantizabimus Et ut hec mea donacio concessio warantizacio et confirmacio rata et inconcussa permaneat presenti carte sigillum meum est appensum Hiis testibus magistro Hugone rectore ecclesie de Newentone Roberto capellano de Eketone Willelmo filio Thome de Esseby Nicholao de Kingistone Oxonie Willelmo Speciario de eadem Willelmo de Hou Philippo de Hou Iohanne de Hou et multis aliis
Source (click image below to view full size)
