Charter Document - 00330357
| Charter Number: | 00330357 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1257 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Willelmi de Pillorio dedi concessi et hac presenti carta mea confirmaui Stephano de Burgo clerico unum mesuagium cum omnibus pertinenciis in uilla Oxonie in parochia sancti Petri orientalis quod situm est inter mesuagium Wymundi ex parte australi et mesuagium hospitalis sancti Iohannis ex parte boriali et abutat ad cimiterium sancti Petri predicti ex parte occidentali et aduersus murum uille ex parte orientali habendum et tenendum sibi et heredibus suis uel assignatis quibuscumque de me et heredibus meis uel assignatis libere pacifice et hereditarie reddendo inde annuatim capitalibus dominis feodi tres denarios ad duos anni terminos uidelicet ad festum beati Michaelis iii obolos et ad festum Pasce iii obolos et michi et heredibus meis uel assignatis unum clauum gariofoli ad Natale domini pro omnibus seruiciis consuetudinibus sectis exaccionibus et secularibus demandis Pro hac autem donacione concessione et carte confirmacione dedit michi predictus Stephanus et plenarie persoluit quinque marcas argenti bone et legalis monete Ego uero predictus Willelmus et heredes mei uel assignati warantizabimus predictum mesuagium dicto Stephano heredibus suis uel eius assignatis contra omnes homines et feminas in perpetuum Et ut hec mea donacio concessio warantizatio et confirmacio rata et inconcussa permaneat presenti carte sigillum meum est appensum hiis testibus Nicholao de Stockwelle tunc maiore Oxonie Galfrido le Mercer Willelmo de Hou tunc prepositis eiusdem Iohanne de Colshille Willelmo de Ybernia Iohanne Fileking Roberto Maynard et multis aliis
Source (click image below to view full size)
