Charter Document - 00330350
| Charter Number: | 00330350 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum peruenerit Iohannes de Burmingham clericus salutem in domino Nouerint uniuersi me dedisse et concessisse et hac presenti carta mea confirmasse domui hospitalis sancti Iohannis Oxonie et fratribus ibidem deo seruientibus intuitu dei quandam terram iuxta cimiterium sancti Petri orientalis Oxonie et domum quandam illam scilicet que iacet inter solium quod primo construxi iuxta idem cimiterium et domum ad eundem hospitalem pertinentem que est in angulo dicti cimiterii et nouum murum quem ultimo construxi inter dictas domos in latum et in longum a cimiterio usque ad terram Thome Submuro ita scilicet quod tercia pars emolumenti quod inde proueniet cedat in calciamento pauperum de dicto hospitali egredientium post infirmitatem Concessi etiam quod dicti fratres recipiant a domo de Sandwell duos denarios annuatim pro quadam terra quam eidem domui concessi iuxta dictum cimiterium et de domo de Wrocstone duos denarios annuatim de terra quam eidem domui concessi que iacet inter terram Sandwelle et terram quam concessi dicto hospitali similiter iuxta dictum cimiterium et respondeant annuatim Galfrido de Stocwelle et heredibus suis de duobus solidis terminis assuetis soluendis nomine dicte tocius terre Et in [huius] rei testimonium presenti scripto sigillum meum apposui hiis testibus P Torald Laurentio Log Willelmo de Chiltone Nicholao Wystle A Wistle Rogero Submuro et aliis
Source (click image below to view full size)
