Charter Document - 00330345
| Charter Number: | 00330345 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1231 - 1237 |
| Date type: | Assigned |
| Resource Link(s): |
|
Charter:
Sciant presentes et futuri me Gilebertum Martel dedisse concessisse et hac presenti carta mea confirmasse deo et hospitali sancti Iohannis extra portam orientalem Oxonie et fratribus ibidem deo seruientibus in puram et perpetuam elemosinam ad sustentacionem infirmorum predicti hospitalis masuagium illud cum pertinenciis quod est inter domum angularem dicti Gileberti et domum Galfridi filii Symonis in parochia beati Petri orientalis apud Oxoniam reddendo inde annuatim capitali domino scilicet Galfrido filio Symonis et heredibus suis ad festum sancti Michaelis dimidiam libram cimini pro omni seruitio et exaccione et demanda seculari Ego uero Gilebertus Martel et heredes mei inueniemus dimidium custum cuiusdam muri qui est inter predictas domos et hospitale inueniet alteram dimidietatem ad predictum murum reparandum inter dictas domos Et ut hec mea donatio rata sit et inconcussa permaneat hoc scriptum sigilli mei impressione corroboraui Hiis testibus Petro Torolde tunc maiore Oxonie Galfrido de Stocchewelle Ricardo le Curteys Ricardo Aurifabro Henrico filio Symeonis Andrea Halegod Iohanne le Thaylur Laurentio Log Willelmo le Prude et aliis
Source (click image below to view full size)
