Charter Document - 00330310
| Charter Number: | 00330310 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1232 - 1233 |
| Date type: | Assigned |
| Resource Link(s): |
|
Charter:
Sciant presentes et futuri quod ego Elyas Capellanus custos hospitalis sancti Iohannis extra portam orientalem Oxonie et fratres eiusdem hospitalis concessimus dimisimus et liberauimus Ade Wistle totam terram illam cum pertinenciis que iacet inter terram Galfridi filii Simonis et terram que fuit Willelmi Gulle in parrochia sancti Petri uersus portam orientalem Oxonie habendam et tenendam predicto Ade et heredibus suis uel cui eam assignare uoluerit exceptis uiris religiosis de nobis et successoribus nostris in feodo et hereditate libere quiete et integre reddendo inde annuatim nobis et successoribus nostris uiginti solidos sterlingorum ad quatuor anni terminos pro omni seruitio et exaccione uidelicet ad Natale Domini quinque solidos et ad festum sancte Marie in Martio quinque solidos et ad Natiuitatem sancti Iohannis Baptiste quinque solidos et ad festum sancti Michaelis quinque solidos Et nos et successores nostri warantizabimus predictam terram cum pertinenciis suis predicto Ade et heredibus suis uel suis assignatis exceptis uiris religiosis contra omnes homines et feminas Pro hac autem concessione dimissione liberatione et warantizatione dedit nobis predictus Adam triginta solidos sterlingorum in gersuma Et sciendum quod predictus Adam et heredes eius uel eius assignati sustentabunt omnia edificia super predictam terram posita in tali statu uel in meliori sicut predictus Adam ea suscepit per uisum proborum hominum Et si ipse Adam uel eius assignati in sustentatione predictorum edificiorum defecerint ita quod predicta edificia corruerint pro defectu sustentationis uel si redditus predictus unius anni fuerit retro non solutus predictus Adam concessit pro se et heredibus suis et pro assignatis suis ut amittant totam predictam terram sine recuperatione Et ut hec predicta rata et inconcussa permaneant hoc scriptum ad modum cyrographi factum fratres predicti hospitalis et predictus Adam sigillis suis alternatim confirmauerunt Hiis testibus Petro filio Turoldi tunc maiore Ada filio Walteri et Aleuico tunc prepositis Philippo Molendinario Roberto Oeyn Henrico filio Henrici Ricardo Molendinario Roberto Waldri Nicholao Wistle Willelmo de Chiltona Willelmo Clerico
Source (click image below to view full size)
