Charter Document - 00330281
| Charter Number: | 00330281 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1273 - 1274 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Fillekynge dedi concessi et hac presenti carta mea confirmaui Agneti filie Galfridi del Peke omnes terras meas et tenementa mea quas et que habeo in uilla Oxonie et extra cum omnibus pertinentiis suis sine aliqua diminutione habenda et tenenda de me et heredibus meis uel meis assignatis sibi et heredibus suis uel suis assignatis cuicumque dare uendere uel legare uoluerit tam in egritudine quam in sanitate libere quiete pacifice integre et bene in omnibus in perpetuum reddendo inde annuatim michi et heredibus meis uel assignatis dicta Agnes et heredes sui uel sui assignati unum denarium ad festum sancti Michaelis et capitali domino feodi consuetum seruitium ut in carta predicti Iohannis Fillekynge continetur pro omni seruitio seculari exactione et demanda Et ego Iohannes Fillekynge et heredes mei uel mei assignati omnes predictas terras et tenementa predicte Agneti filie Galfridi del Peke contra omnes homines mares et feminas warantizabimus aquietabimus et defendemus inperpetuum Pro hac autem donatione concessione et presentis carte confirmatione dedit michi predicta Agnes filia Galfridi del Peke quadraginta marcas argenti pre manibus Ut autem hec mea donatio concessio et presentis carte mee confirmatio perpetue stabilitatis robur optineat presentem cartam sigilli mei inpressione consignaui Hiis testibus Henrico Yweyn tunc temporis maiore Oxonie Helya le Quilter Nicholao Aurifabro tunc balliuis Oxonie Stephano Ligatore librorum Martino Exemplatore Iohanne Marscallo Henrico Fabro de Yiftele Martino de Yiftele Ricardo de Sandforde et multis aliis
Source (click image below to view full size)
