Charter Document - 00330280
| Charter Number: | 00330280 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1255 - 1256 |
| Date type: | Assigned |
| Resource Link(s): |
|
Charter:
Sciant presentes et futuri quod ego frater Henricus custos hospitalis sancti Iohannis extra portam orientalem Oxonie et uniuersi fratres in eiusdem loci unanimiter dedimus et concessimus et hac presenti carta nostra confirmauimus Iohanni Filekinke quoddam mesuagium cum omnibus pertinenciis scilicet illud idem mesuagium quod Robertus Waldri tenuit situm inter terram Willelmi le Spicer ex una parte et terram Ricardi Waldri ex altera in magno uico in parochia sancti Petri uersus portam orientalem Oxonie habendum et tenendum de nobis et de successoribus nostris dicto Iohanni Filekinke et heredibus suis uel assignatis suis uel quibuscumque dare uel uendere uoluerit exceptis uiris religiosis et Iudeis et eciam Uniuersitate in perpetuum in feodo et in hereditate libere et quiete integre et pacifice ac sine ulla contradiccione reddendo inde annuatim nobis et successoribus nostris uiginti solidos ad quatuor anni terminos scilicet ad Natale Domini quinque solidos argenti ad festum sancte Marie in Marcio quinque solidos ad festum sancti Iohannis Baptiste quinque solidos et ad festum sancti Michaelis quinque solidos pro omni seruicio seculari exaccione et demanda Et ego predictus frater Henricus custos et fratres nostri et successores nostri totum illud mesuagium cum pertinenciis suis predicto Iohanni et heredibus suis uel assignatis suis contra omnes homines et feminas warantizabimus et defendemus in perpetuum Pro hac autem donacione et concessione et confirmacione et warantizatione et defensione habenda dedit nobis predictus Iohannes sex marcas argenti et dimidiam in gersummam pre manibus Et sciendum quod ego predictus Henricus custos et fratres predicti et successores nostri habebimus liberum ingressum et exitum ad namiandum in eodem tenemento quocienscumque euenerit quod aliquid de predicto redditu aretro fuerit donec nobis et successoribus nostris plenarie reddatur Et ut hec omnia predicta firma et stabilia permaneant in perpetuum ego predictus frater Henricus custos et fratres nostri hoc presens scriptum sigilli nostri inpressione corroborauimus Hiis testibus Adam Feteplace tunc maiore Adam Submuro Roberto Alutario tunc prepositis Iohanne Cursi Thoma Submuro Rogero le Batur Waltero Kypeharme Ricardo de Huntindone Willelmo de Chiltone Willelmo le Spicer Ricardo Waldri Roberto Clerico et multis aliis
Source (click image below to view full size)
