Charter Document - 00330267
| Charter Number: | 00330267 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Concession, Lease |
| Date: | 1232 - 1233 |
| Date type: | Assigned |
| Resource Link(s): |
|
Charter:
Sciant presentes et futuri quod ego Elyas Capellanus custos hospitalis sancti Iohannis extra portam orientalem Oxonie et fratres eiusdem hospitalis concessimus dimisimus et liberauimus Emme filie Bernardi Coci totam terram illam cum pertinenciis que iacet inter terram Henrici Inge et terram Rogeri le Turnur in parrochia sancti Petri uersus portam orientalem Oxonie habendam et tenendam predicte Emme et heredibus suis uel cui eam assignare uoluerit exceptis uiris religiosis de nobis et successoribus nostris in feodo et hereditate libere quiete et integre reddendo inde annuatim nobis et successoribus nostris uiginti solidos ad quatuor anni terminos pro omni seruicio et exactione uidelicet ad Natale domini quinque solidos et ad festum sancte Marie in Marcio quinque solidos et ad Natiuitatem sancti Iohannis Baptiste quinque solidos et ad festum sancti Michaelis quinque solidos Et nos et successores nostri warantizabimus predictam terram cum pertinenciis suis predicte Emme et heredibus suis uel suis assignatis exceptis uiris religiosis contra omnes homines et feminas Pro hac autem concessione dimissione liberatione et warantizatione dedit nobis predicta Emma sex marcas sterlingorum in gersuma Et sciendum quod predicta Emma et heredes eius uel eius assignati sustentabunt omnia edificia super predictam terram posita in tali statu uel in meliori sicut predicta Emma ea suscepit per uisum proborum hominum Et si ipsa Emma uel eius assignati in sustentacione predictorum edificiorum defecerint ita quod predicta edificia corruerint pro defectu sustentacionis uel si redditus predictus unius anni fuerit retro non solutus predicta Emma concessit pro se et heredibus suis et pro assignatis suis ut amittant totam predictam terram sine recuperatione Et ut hec predicta rata et inconcussa permaneant hoc scriptum ad modum cyrographi factum fratres predicti hospitalis et predicta Emma sigillis suis alternatim confirmauerunt hiis testibus Petro filio Turoldi tunc maiore Ada filio Walteri et Alewico tunc prepositis Philippo Molendinario Roberto Oeyn Henrico filio Henrici Ricardo Molendinario Roberto Waldri Willelmo Spicero Rogero Spicero Willelmo clerico
Source (click image below to view full size)
