Charter Document - 00330236
| Charter Number: | 00330236 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Wido Sutor filius Roberti de parochia sancti Iohannis assensu et uoluntate Edithe uxoris mee concessi dimisi et liberaui hospitali sancti Iohannis aput portam orientalem Oxonie et fratribus ibidem deo seruientibus totam illam terram meam que iacet inter terram Henrici filii Fulconis et terram que fuit Walteri Inge que est angularis in parochia sancti Petri uersus portam orientalem Oxonie habendam et tenendam predicto hospitali et fratribus eiusdem loci de me et heredibus meis in feodo et hereditate libere quiete et integre reddendo pro predicta terra annuatim Henrico filio Simonis uiginti denarios ad quatuor anni terminos scilicet ad festum sancti Michaelis v denarios et ad Natale Domini v denarios et ad festum sancte Marie in Marcio v denarios et ad Natiuitatem sancti Iohannis Baptiste v denarios et michi et heredibus meis annuatim unum denarium ad Pascha pro omni seruitio Et ego et heredes mei warantizabimus predictam terram cum pertinenciis predicto hospitali et fratribus eiusdem loci contra omnes homines et feminas Et pro hac concessione dimissione liberatione et warrantizatione fratres predicti hospitalis dederunt michi et Edithe uxori mee unam marcam in gersuma Et ut hec predicta rata permaneant hanc presentem cartam ego Wido et Editha predicti sigillis nostris confirmauimus Hiis testibus Roberto Waldri Rogero Petit Willelmo de Haliwelle Ricardo Curteis Alexandro Knyt Willelmo Curteis et aliis
Source (click image below to view full size)
