Charter Document - 00330231
| Charter Number: | 00330231 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus filius Simonis dedi et concessi et hac presenti carta mea confirmaui Cecilie filie Iohannis de Gundeuilla pro homagio et seruicio suo unum mesuagium in uilla Oxonie in uico sancti Iohannis iacens inter domum Henrici filii Fulchonis et angularem domum dicti uici illud uidelicet mesuagium quod Guido le Clutere tenuit tenendum et habendum de me et de heredibus meis illi et heredibus suis uel cuicumque illud dare uel assignare uel legare uoluerit nisi domui religionis libere et quiete iure hereditario reddendo inde annuatim michi et heredibus meis dicta Cecilia et heredes sui uel eius assignati uel legatarii sui tres solidos et sex denarios ad quatuor terminos anni scilicet ad festum sancti Michaelis decem denarios et obolum et ad festum sancti Thome apostoli decem denarios et obolum et ad festum sancte Marie in Marcio decem denarios et obolum et ad Natiuitatem sancti Iohannis Baptiste decem denarios et obolum pro omnibus seruiciis et consuetudinibus et demandis Et ego Henricus predictus et heredes mei warantizabimus dictum mesuagium dicte Cecilie et heredibus suis uel eius assignatis uel legatariis nisi domui religionis contra omnes homines et feminas in perpetuum Pro hac autem mea donacione et concessione et carte mee confirmacione dedit michi dicta Cecilia uiginti solidos sterlingorum in gersumam Et ut hec mea donacio et concessio et carte mee confirmacio rate et stabiles in perpetuum permaneant hanc presentem cartam meam sigillo meo roboraui hiis testibus Iohanne le Carpenter Willelmo de Chiltona Gilberto Carectario Rogero le Boltere Iohanne Laudyas Galfrido filio Simonis Yuone de Wdestoke Iohanne le Combere Willelmo le Combere Henrico Fabro et multis aliis
Source (click image below to view full size)
