Charter Document - 00330229
| Charter Number: | 00330229 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1253 - 1254 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Curcy dedi et concessi et hac presenti carta mea confirmaui pro me et pro heredibus meis in perpetuum Andree Halegod unam marcam annualis redditus quam percipiebam de heredibus Laurencii Log quam ipsi percipiunt de tota illa terra cum pertinenciis que uocatur Brondeshalle inter terram Radulfi sancti Edmundi et terram Roberti de Wauhiz in parochia sancti Petri orientalis Oxonie habendam et tenendam sibi uel suis heredibus et assignatis suis ubi et quando uoluerit dare legare uendere uel assignare libere et quiete bene et in pace uidelicet ad percipiendam predictam marcam de heredibus predicti Laurencii Log ad festum sancti Michaelis quadraginta denarios ad Natale Domini quadraginta denarios ad festum beate Marie in Marcio quadraginta denarios et ad Natiuitatem beati Iohannis Baptiste quadraginta denarios Et si predictus redditus alicuius termini de terminis prenominatis de predicta terra aretro [fuerit] quin persoluatur eidem Andree uel eius assignato bene licebit eidem Andree uel eius assignato habere liberum introitum et exitum in tota predicta terra cum pertinenciis et eciam illo mesuagio cum pertinenciis quod fuit aliquando Roberti Log in parochia sancti Petri orientalis Oxonie ad namiandum et distringendum de die in diem donec plenarie sit eis satisfactum de arreragiis predicte marce sicut continetur in quodam cyrographo inter me et Laurentium Log confecto Ego uero predictus Iohannes et heredes mei predicto Andree et heredibus suis uel suis assignatis predictam marcam cum pertinenciis contra omnes homines mares et feminas Cristianos et Iudeos warantizabimus acquietabimus et defendemus in perpetuum Pro hac autem donatione concessione warantizatione acquietacione et defensione predictus Andreas dedit michi duodecem marcas argenti pre manibus Ut igitur hec omnia prescripta et prediuisa firma et stabilia in perpetuum permaneant hoc presens scriptum sigilli mei inpressione corroboraui et confirmaui hiis testibus Ada Feteplace tunc maiore Oxonie Galfrido de Hencsexee Thoma le Speicer tunc prepositis Waltero Aurifabro Galfrido Aurifabro domino Rogero capellano Iohanne Pady Rogero le Batur Willelmo de Chiltone Waltero Kepeharm Iohanne Fileking Ricardo Clerico et aliis
Source (click image below to view full size)
