Charter Document - 00330202
| Charter Number: | 00330202 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1317 |
| Date type: | Internal, Feast, Regnal |
| Resource Link(s): |
|
Charter:
Omnibus Cristi fidelibus ad quos hoc presens scriptum peruenerit Reginaldus Attepyle de parochia de Tubbeneye et Alicia uxor mea salutem in domino sempiternam Noueritis nos remisisse concessisse et omnino pro nobis et heredibus nostris quietum clamasse in perpetuum Thome de Aueram de Oxonia et Cristiane uxori et eorum heredibus et assignatis totum ius nostrum et clameum quod unquam habuimus habemus uel quod in posterum aliqualiter habere poterimus in toto illo mesuagio cum suis pertinenciis quod situm est in parochia sancti Petri orientalis Oxonie infra portam orientalem eiusdem uille secundum quod in quadam carta feoffamenti quam ego dictus Reginaldus eisdem inde feci plenius testatur ita tamen quod nec nos dicti Reginaldus nec Alicia uxor mea nec aliquis alius pro nobis per nos nec nomine nostro in dicto mesuagio cum suis pertinenciis nec in aliqua parte eorundem aliquid iuris clamii dominii redditus uel seruicii de cetero exigere clamare uel uendicare poterimus quoquomodo sed ab omnimodis accionibus et demandis dictum mesuagium cum suis pertinenciis qualitercumque tangentibus penitus excludamur in perpetuum per presentes In cuius rei testimonium huic presenti quiete clamacioni sigilla nostra apposuimus Dat apud Mercham die Mercurii proxima post festum apostolorum Philippi et Iacobi anno regni regis Edwardi filii regis Edwardi decimo hiis testibus Iohanne de Dokelingtone tunc maiore Oxonie Andrea de Wormenhale et Iohanne de Pershore de Oxonia tunc balliuis eiusdem uille Radulfo de Hayles Ricardo de Wenge Iohanne de Coumbe Willelmo de Sancta Elena Rogero le Wyduere Simone Walkelyn et aliis
Source (click image below to view full size)
