Charter Document - 00330193

Sciant presentes et futuri quod ego Ricardus filius Willelmi le Spicer de Oxonia dedi concessi et hac presenti carta mea confirmaui Iohanni Stoyl de West Wittenham pro quadam summa pecunie quam michi dedit pre manibus totum illud tenementum meum cum suis pertinenciis quod situm est in parochia sancti Petri orientalis Oxonie uidelicet in latitudine inter tenementum quod fuit quondam magistri Nicholai de Bradewelle ex parte occidentali et tenementum abbatis de Eynesham ex parte orientali et extendit se in longitudine a regia strata usque ad tenementum Stephani de Berham uersus austrum habendum et tenendum totum predictum tenementum cum suis pertinenciis prefato Iohanni et suis heredibus aut assignatis libere quiete bene et in pace in perpetuum de capitalibus dominis feodi illius per seruicia inde debita et consueta uidelicet per seruicium quinque solidorum per annum pro omni seruicio reddendorum ad quatuor anni terminos principales et usuales per equales porciones Et ego predictus Ricardus et heredes mei totum predictum tenementum cum suis pertinenciis prefato Iohanni et suis heredibus ac assignatis contra omnes mortales warantizabimus et defendemus in perpetuum pro seruicio antedicto Et ut hec mea donacio concessio presentis carte confirmacio warantia et defencio perpetue firmitatis robur optineant hanc presentem cartam sigilli mei inpressione roboraui Dat apud Oxoniam die Lune in festo sancti Iohannis ante portam Latinam anno regni regis Edwardi filii regis Edwardi primo hiis testibus Iohanne de Dokelingtone tunc maiore Oxonie Willelmo de Burcestria et Iohanne de Hamptone tunc balliuis eiusdem uille Thoma de Henxeye Andrea de Pyrie Iohanne de Coleshulle Simone de Feucote Henrico de Campedene Thoma Clerico et multis aliis