Charter Document - 00330159
| Charter Number: | 00330159 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris quod ego Ricardus filius Amfridi concessi et dimisi et liberaui hospitali sancti Iohannis quod est situm extra portam orientalem Oxonie et fratribus in eodem hospitali deo et sancto Iohanni seruientibus totam terram meam integre que est inter terram quam Thomas filius Eilrici cepit in maritagium cum Amicia uxore sua et terram quam Eilwinus le Turnur tenet de feodo Henrici de Witefeld habendam et tenendam firmiter et stabiliter perpetuo de me et heredibus meis hereditarie reddendo annuatim pro tota predicta terra unum denarium et dimidiam libram piperis ad Natale domini pro omni seruicio et pro omni seculari exactione Et ego et heredes mei warentizabimus totam predictam terram integre memorato hospitali et fratribus qui ibidem deo et sancto Iohanni seruiunt contra omnes homines qui possunt uiuere uel mori mares et feminas Et pro concessione mea et dimissione et liberacione et warantizacione mea predicte terre fratres predicti hospitalis dederunt michi tres marcas argenti de pecunia eiusdem domus in recognicione feodi premisse terre Et quia uolo quod sepedicta terra predicte domui et eiusdem domus fratribus sicut prediuisum est rata et inconcussa in perpetuum permaneat hac mea presenti carta sigilli mei inpressione roborata confirmare curaui Hiis testibus Henrico filio Simeonis Laurentio Kepeharm Petro filio Gaufridi Thoma filio Eilrici Willelmo filio Radulfi Gaufrido Aurifabro Oweno Roberto filio eius Turoldo Corduenero Hardingo Palmero Eilwino le Turnur Iohanne le Knit Willelmo le Knit Waltero filio Iohannis
Source (click image below to view full size)
