Charter Document - 00330081
| Charter Number: | 00330081 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1240 |
| Date type: | Assigned |
| Resource Link(s): |
|
Charter:
Sciant presentes et futuri quod ego Laurentius filius Rocelini concessi dimisi et liberaui et quietum clamaui pro me et heredibus meis deo et hospitali sancti Iohannis extra portam orientalem Oxonie et fratribus ibidem deo seruientibus illud feudum cum mesuagio et cum omnibus pertinentiis suis quod ego tenui de predicto hospitali et fratribus predictis et quod mesuagium tenuit de me Eadmundus le Capeler pro tribus solidis per annum quod scilicet iacet intra terram Iohannis Carpentarii et terram Roberti Ruffi extra portam orientalem Oxonie Similiter concessi dimisi et liberaui et quietum clamaui pro me et heredibus meis fratribus predicti hospitalis illud feudum cum mesuagio et cum omnibus pertinentiis suis quod ego tenui de predicto hospitali et fratribus predictis et quod mesuagium tenuerunt de me Gilebertus le Bolter et Edelina uxor eius pro duobus solidis per annum quod scilicet mesuagium iacet inter terram Roberti Rufi et inter capitale mesuagium meum in quo mansi extra portam orientalem Oxonie habenda et tenenda fratribus predicti hospitalis et eorum successoribus libere quiete et integre et pacifice imperpetuum sine omni seculari seruitio et exactione et demanda Pro hac autem concessione dimissione liberatione et quieta clamatione fratres predicti hospitalis dederunt michi quatuor marcas et nouem solidos et octo denarios sterlingorum Et ut hec omnia predicta sicut prediuisa sunt rata et inconcussa imperpetuum permaneant hanc presentem cartam sigillo meo confirmaui Hiis testibus Roberto Owein Laurentio Hallegod Andrea Hallegod Rogero Petit Roberto Waldri Iohanne Carpenter Gileberto Caretario et aliis
Source (click image below to view full size)
