Charter Document - 00330078
| Charter Number: | 00330078 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1320 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Iohannes filius Oliueri scissoris de Oxonia dedi concessi et hac presenti carta mea confirmaui Radulfo de Seukeworth grasyere de Oxonia et Iohanne uxori sue unum mesuagium cum omnibus suis pertinenciis situm in parochia sancti Petri in oriente Oxonie in suburbio eiusdem uille iuxta magnam portam hospitalis sancti Iohannis extra portam orientalem Oxonie ex parte una et tenementum predicti hospitalis ex parte altera habendum et tenendum totum predictum mesuagium cum omnibus suis pertinentiis prefatis Radulfo et Iohanne uxori sue et eorum heredibus ac assignatis libere quiete bene et in pace iure hereditario imperpetuum de capitalibus dominis feodi per seruicia inde debita et de iure consueta Et ego predictus Iohannes et heredes mei predictum mesuagium cum omnibus suis pertinenciis predictis Radulfo et Iohanne uxori sue et eorum heredibus ac assignatis contra omnes gentes warantizabimus et acquietabimus et defendemus imperpetuum Pro hac autem donacione concessione presentis carte mee confirmacione warantia et defensione dederunt michi prefati Radulfus et Iohanna uxor sua centum solidos pre manibus Et ut hec mea donacio concessio et presentis carte mee confirmacio warantia et defensio firma et stabilis permaneat imperpetuum hanc presentem cartam sigilli mei impressione roboraui Hiis testibus Iohanne de Hamptone tunc maiore Oxonie Thoma de Alstone et Roberto de la Bache tunc balliuis eiusdem ville Iohanne de Bisshopestone Ricardo Edrop Willelmo de Whatele Iohanne de Scampstone Nicholao de Glattone et multis aliis Dat Oxonie die Sabbati in festo sancte Lucie uirginis anno regni regis Edwardi filii regis Edwardi quarto decimo
Source (click image below to view full size)
