Charter Document - 00330073
| Charter Number: | 00330073 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1231 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Henricus dei gracia rex Anglie dominus Hybernie dux Normannie et Aquitannie Comes Andegauie archiepiscopis episcopis abbatibus prioribus comitibus baronibus iusticiariis uicecomitibus prepositis ministris et omnibus balliuis et fidelibus suis salutem Sciatis nos intuitu dei et pro salute anime nostre et animarum antecessorum et heredum nostrorum dedisse concessisse et hac carta nostra confirmasse magistro et fratribus hospitalis sancti Iohannis extra portam orientalem Oxonie molendinum nostrum in Edendone quod uocatur Kyngesmelne cum secta et terris et pratis ad molendinum illud pertinentibus et omnibus aliis pertinenciis suis habendum et tenendum de nobis et heredibus nostris sibi et successoribus suis in perpetuum in liberam et perpetuam elemosinam ad sustentationem pauperum et infirmorum eiusdem hospitalis Concessimus etiam pro nobis et heredibus nostris eisdem magistro et fratribus gardinum cum pertinenciis quod fuit gardinum Iudeorum in suburbio Oxonie extra predictam portam orientalem ad hospitale predictum de nouo ibidem construendum salua Iudeis Oxonie placia quadam competenti iuxta idem gardinum ad Iudeorum decedentium sepulturam Concessimus insuper eisdem magistro et fratribus quod quociens uenerimus Oxoniam primo die aduentus nostri habeant de elemosina nostra centum tales liberationes ad centum pauperes in die sustentandos quales aliis pauperibus dari facimus qui in hospicio nostro pascuntur Quare uolumus [] pascuntur sicut predictum est hiis testibus I Bathoniensi H Lincolniensi W Karleolensi episcopis H de Burgo comite Kancie iusticiario Anglie Philippo de Albiniaco Godefrido de Craucumbe Hugone Dispensario Galfrido Dispensario Iohanne filio Philippi Ricardo filio Hugonis Henrico de Capella et aliis Dat per manum uenerabilis patris Radulfi Cycestrensis episcopi Cancellarii nostri apud Oxoniam duodecimo die Iulii anno regni nostri quintodecimo
Source (click image below to view full size)
