Charter Document - 00330047
| Charter Number: | 00330047 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1319 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Hugo de Couele dedi concessi et hac presenti carta mea confirmaui Iohanni de Scamsstone et Iuliane uxori sue unum mesuagium cum pertinenciis situatum in suburbio extra portam orientalem Oxonie in parochia sancti Petri orientalis eiusdem uille inter tenementum magistri et fratrum hospitalis sancti Iohannis extra portam predictam ex parte orientali et tenementum quondam Roberti de Brackele ex parte occidentali quod quidem mesuagium antedictum habui ex dono et feoffamento Iohannis de Faryndone quondam burgensis Oxonie habendum et tenendum predictum mesuagium cum pertinenciis suis quibuscumque prcfatis Iohanni de Scamsstone et Iuliane uxori sue heredibus ac assignatis suis libere quiete integre bene et in pace de capitalibus dominis feodi illius per seruicia inde debita et consueta imperpetuum pro omni alio seruicio seculari et demanda Et ego predictus Hugo et heredes mei predictum mesuagium cum pertinenciis suis omnimodis prefatis Iohanni et Iuliane et suis heredibus ac assignatis contra omnes mortales warantizabimus et defendemus imperpetuum Pro hac autem donacione concessione huius carte mee confirmacione warantia et defensione dederunt michi predicti Iohannes et Iuliana sex marcas sterlingorum pre manibus In huius uero rei perpetuum robur et testimonium hanc presentem cartam sigilli mei impressione roboraui Hiis testibus Henrico de Lynne tunc maiore Oxonie Philippo de Ew et Ricardo Edrop tunc balliuis eiusdem ville Iohanne de Bisshepestone Henrico de Campedene Adam Spalding Willelmo Spalding Ricardo de Wenge Iohanne Ioye Iohanne de Coumbe et multis aliis Dat Oxonie die Lune proxima post festum sancti Laurencii anno regni regis Edwardi filii regis Edwardi tercio decimo
Source (click image below to view full size)
